Polisin "dayan" tələbinə tabe olmayan sürücü yaşlı qadını avtomobillə vurub qaçıb - VİDEO

Küçükçekmecədə polisın "dayan" xəbərdarlığına məhəl qoymayaraq qaçan avtomobildəki 3 nəfər, əvvəlcə nəzarətçilərə çırpılıb, daha sonra yolun qarşısına keçən 60 yaşlı qadını avtomobillə vuraraq ağır yaralayıb.

Sonxeber.az türk mediasına istinadən xəbər verir ki, hadisə axşam saatlarında İstanbulun Küçükçekmece rayonunun Kemalpaşa məhəlləsində, Halkalı prospektində baş verib. İddiaya görə, prospekt üzərindəki bir şirniyyat dükanına yük gətirən şübhəli, bölgədəki KGYS kamerasının üz tanıma sisteminə düşüb. Bu məlumat ərazidə tətbiq aparan polis qruplarına bildirilib. Polis şübhəlini saxlayaraq kimlik təqdim etməsini istəyib. Şəxs kimliyinin maşında olduğunu deyərək yanındakı iki nəfərlə birlikdə avtomobilə minib qaçıb.

Polis avtomobili dayandırmağa çalışsa da, şübhəlilər Osmanbey küçəsinə daxil olub. Bu zaman yolun qarşısına keçən S.T. (60) adlı qadın avtomobil tərəfindən vurularaq altına düşüb və sürüklənib. Qadın ağır yaralanıb. Hadisə yerinə təcili tibbi yardım və əlavə polis qüvvələri göndərilib. İlk tibbi müdaxilədən sonra yaralı xəstəxanaya çatdırılıb. Qadının həyatının hələ də təhlükədə olduğu bildirilib.

Hadisədən sonra qaçan şəxsləri axtarmağa başlayan polis, təxminən 1 kilometr uzaqda avtomobilin tərk edilmiş halda tapıldığını açıqlayıb. Şübhəlilərin tutulması istiqamətində əməliyyatlar davam edir.

Təhlükəsizlik kamerası görüntülərində şübhəlilərin qaçarkən nəzarətçilərə çırpılması və daha sonra qadını vurub sürükləməsinə baxmayaraq qaçmağa davam etməsi anbaan əks olunub.

Telegramda izləyin