Bir şəhərin kabusuna çevrilib! Ovçular tuta bilmir! - VİDEO

Rizedə vətəndaşların yaşayış sahələrinə girərək insanlara, xüsusilə də fermerlərə ziyan vuran və bu səbəbdən ov icazəsi çıxarılan ayı, ovçuların bölgədən çəkilməsindən sonra yenidən ortaya çıxıb.

Sonxeber.az türk mediasına istinadən xəbər verir ki, onun yemək tapmaq üçün axtarışa çıxması təhlükəsizlik kamerası tərəfindən qeydə alınıb.

Vəhşi heyvanların, xüsusilə ayıların insanların yaşadığı məkanlara daxil olması səbəbilə bölgədə xüsusi icazə ilə ov aparılır. Bu çərçivədə ötən bazar günü Rizenin Güneysu rayonunda insanların yaşayış məntəqələrinə girən bir ayı üçün ov icazəsi alınmış, ovçular isə peşəkar ov itləri ilə bir gün boyunca ayını tapmaq üçün axtarış aparmışdılar. Lakin ayı ortaya çıxmadığı üçün ovçular əliboş qayıtmaq məcburiyyətində qalmışdı.

Axtarılan həmin ayı dünən eyni bölgədə bir binanın təhlükəsizlik kameralarına tuş gəlib. Ovçuların tapa bilmədiyi ayı gəldiyi istiqamətdən geri dönərək gözdən itib. Həmin anlar anbaan təhlükəsizlik kameraları tərəfindən qeydə alınıb.

Telegramda izləyin