Məktəblilər arasında bıçaqlı dava: 16 yaşlı yeniyetmə yaralanıb - VİDEO

Türkiyənin Kocaeli vilayətinin Körfəz rayonunda parkda lisey şagirdləri arasında baş verən bıçaqlı dava nəticəsində 16 yaşlı yeniyetmə xəsarət alıb.

Sonxeber.az türk mediasına istinadən xəbər verir ki, hadisə Fatih məhəlləsi, Cumhuriyet prospekti üzərində yerləşən parkda qeydə alınıb. Əldə olunan məlumata görə, daha əvvəl aralarında ədavət olduğu bildirilən məktəb şagirdləri parkda qarşılaşdıqdan sonra mübahisə etməyə başlayıblar.

Mübahisənin davaya çevrildiyi hadisə zamanı 16 yaşlı M.T. yanında olan bıçaqla yaşıdı M.Y.-ni yaralayıb. Ətrafdakı vətəndaşların məlumatı əsasında hadisə yerinə polis və təcili tibbi yardım briqadaları cəlb olunub. Yaralı yeniyetmə hadisə yerində göstərilən ilkin tibbi yardımdan sonra Derince Təhsil və Araşdırma Xəstəxanasına aparılıb.

Şübhəli şəxs M.T. isə polis əməkdaşları tərəfindən qısa müddətdə saxlanılıb və sağlamlıq yoxlaması üçün Körfəz Dövlət Xəstəxanasına aparılıb. Buradakı prosedurlar başa çatdıqdan sonra o, ifadəsinin alınması üçün Körfəz Tütünçiftlik Polis Bölməsinə aparılaraq saxlanılıb.

Hadisə ilə bağlı araşdırma davam etdirilir.

Telegramda izləyin