10 gündür itkin düşən 74 yaşlı kişi evində ölü tapıldı

Türkiyənin Eskişehir şəhərində 10 gündür itkin düşən 74 yaşlı Sebahattin K. yaşadığı evdə ölü vəziyyətdə tapılıb.

Sonxeber.az türk mediasına istinadən xəbər verir ki, hadisəni onunla əlaqə yarada bilməyən məhəllə muxtarı aşkarlayıb. Aparılan ilkin araşdırmalar zamanı yaşlı kişinin ölümünün şübhəli olduğu bildirilib.

Əldə edilən məlumata görə, sözügedən küçədə yerləşən evdə tək yaşayan Sebahattin K.-dan 10 gün ərzində xəbər alınmayıb. Onunla əlaqə saxlamağa çalışan, lakin buna nail ola bilməyən məhəllə muxtarı vəziyyətlə bağlı polisə məlumat verib.

Yoxlama məqsədilə evə daxil olan polis əməkdaşları Sebahattin K.-nı hərəkətsiz vəziyyətdə aşkar ediblər. Hadisə yerinə çağırılan təcili tibbi yardım briqadası yaşlı kişinin həyatını itirdiyini təsdiqləyib. Daha sonra hadisə yerinə gələn bələdiyyə həkimi ölümün şübhəli olduğunu qeyd edib.

Sebahattin K.-nın meyiti müayinə olunmaq üçün xəstəxananın morquna aparılıb. 74 yaşlı kişinin dəqiq ölüm səbəbi aparılacaq ekspertiza və araşdırmalardan sonra müəyyən ediləcək.

Telegramda izləyin