Şəhid qızının məzarlıqda atasına ünvanladığı sözlər ürəkləri dağladı - VİDEO

Şəhid Onur Çapanın azyaşlı qızının atasının məzarı başında söylədiyi sözlər sosial şəbəkələrdə dərin təsir yaradıb.

Sonxeber.az türk mediasına istinadən xəbər verir ki, atasına səslənən uşaq, "Ata, qərar verə bilmirəm, əsgər olum, yoxsa müəllim…" sözləri ilə həm arzularını, həm də ona olan həsrətini dilə gətirib.

Duyğulu anların əks olunduğu görüntülər qısa müddətdə sosial mediada geniş yayılaraq viral olub. Video minlərlə istifadəçi tərəfindən paylaşılıb və şərhlərdə dərin kədər, duyğusallıq ifadə olunub.

İzləyicilər "Hamısına baxa bilmədim, dözə bilmədim", "Bir övladın ən ağır vidalaşması", "Bu ölkənin ödədiyi əsl bədəl" kimi fikirlərlə hisslərini bölüşüblər.

Şəhid övladının səmimi və saf sözləri bir daha şəhid ailələrinin yaşadığı ağrını, itkinin böyüklüyünü və bu vətən üçün verilən qurbanların mənəvi yükünü xatırladıb.

Telegramda izləyin