Dəfinə axtarışı faciə ilə nəticələndi: Girdiyi tuneldə həyatını itirdi

Türkiyənin Aydın vilayətinin Efeler rayonunda iddiaya görə, dəfinə axtarmaq məqsədilə aparılan qanunsuz qazıntı faciə ilə nəticələnib.

Sonxeber.az türk mediasına istinadən xəbər verir ki, əldə edilən məlumata görə, qanunsuz şəkildə dəfinə axtaran şəxslərdən biri qazılan tünelə daxil olub. Tunel xaricində qalan dostu, içəridə olan Tarık Yegüldən uzun müddət xəbər ala bilmədikdən sonra vəziyyəti 112 Təcili Zəng Mərkəzinə bildirib.

Məlumat daxil olduqdan sonra hadisə yerinə jandarma, AFAD, UMKE və Jandarma Axtarış-Xilasetmə (JAK) qrupları cəlb edilib. Qısa müddətdə əraziyə çatan xilasetmə qrupları, tüneldə mahsur qalan Yegülə çatmaq üçün əməliyyata başlayıblar.

Tunelin uzun və dar quruluşu xilasetmə işlərini çətinləşdirib. Buna baxmayaraq, qruplar saatlarla böyük diqqət və ehtiyatla işlərini davam etdiriblər. Aparılan işlər nəticəsində Tarık Yegülə çata biliblər, lakin onun həyatını itirdiyi müəyyən olunub.

Tuneldən çıxarılan Yegülün cəsədi xəstəxananın morquna aparılıb. Ölümün dəqiq səbəbi aparılacaq məhkəmə-tibbi ekspertizadan sonra məlum olacaq. Hadisə ilə bağlı jandarma tərəfindən istintaq başladılıb.

Telegramda izləyin