2 ay əvvəl dünyaya gətirdiyi körpəsinin ölümünə səbəb oldu

Diyarbəkirin Kayapınar rayonuna bağlı Fırat məhəlləsində yerləşən bir yaşayış binasında hamını sarsıdan hadisə baş verib.

Sonxeber.az türk mediasına istinadən xəbər verir ki, ilkin iddialara görə, təxminən 2 ay əvvəl doğuş edən N.E. naməlum səbəbdən psixoloji sarsıntı keçirib. Bu zaman o, 2 aylıq körpəsini götürərək mənzilin pəncərəsinə yaxınlaşıb. Hadisə nəticəsində körpə binanın 4-cü mərtəbəsindən yerə düşüb.

Əraziyə dərhal 112 təcili tibbi yardım və polis əməkdaşları cəlb olunub. Həkimlərin apardığı müayinələr zamanı körpənin həyatını itirdiyi müəyyən edilib. Ana N.E. polis tərəfindən saxlanılaraq nəzarətə götürülüb.

Faktla bağlı hüquq-mühafizə orqanları tərəfindən genişmiqyaslı araşdırmaya başlanılıb. Hadisənin dəqiq səbəbləri aparılan istintaqdan sonra məlum olacaq.

Telegramda izləyin