İki sürücü arasında əlbəyaxa dava düşüb - VİDEO

İstanbulun Pendik rayonunda iki sürücü arasında yolda yaranan mübahisə yumruqlu davaya çevrilib.

Sonxeber.az türk mediasına istinadən xəbər verir ki, hadisə Pendikin Kurtköy məhəlləsində, Ankara prospektində baş verib.

Məlumata görə, avtomobilləri ilə hərəkətdə olan iki sürücü arasında naməlum səbəbdən sözlü mübahisə yaranıb. Qısa müddətdə gərginləşən mübahisə böyüyərək fiziki qarşıdurmaya çevrilib.

Avtomobillərindən düşən sürücülər bir-birinə yumruq zərbələri endirib. Ətrafda olan vətəndaşların müdaxiləsindən sonra tərəflər sakitləşdirilib.

Baş verən dava mobil telefon kamerası ilə lentə alınıb. Hadisə ilə bağlı araşdırma aparılıb-aparılmadığı barədə hələlik rəsmi məlumat verilməyib.

Telegramda izləyin