"Optimus" 2027-ci ildə gələcək? - Maskın vədi yenidən mübahisələrə səbəb oldu
İlon Mask İsveçrənin Davos şəhərində keçirilən Dünya İqtisadi Forumunda "Tesla"nın insanabənzər robotu "Optimus" haqqında diqqət çəkici açıqlamalar verib.
Qaynarinfo xəbər verir ki, Maskın sözlərinə görə, "Optimus" robotları 2027-ci ilin sonuna qədər ictimaiyyət üçün satışa çıxarılacaq.
Lakin Maskın əvvəlki vədlərinin çoxunun yerinə yetmədiyi nəzərə alınarsa, bu hədəfin nə dərəcədə real olduğu mübahisəlidir. "Optimus" nəzəri olaraq insan kimi müxtəlif vəzifələri yerinə yetirə bilən bir robot olaraq hazırlanıb.
Mask mümkün gecikmələr üçün özünə çıxış yolu saxlayıb: "Optimus" yalnız "Tesla"nın yüksək etibarlılıq, yüksək səviyyəli təhlükəsizlik və geniş funksionallıq barədə tam əmin olduğu halda bazara təqdim olunacaq.
"Tesla" fabriklərində robotların artıq bəzi sadə vəzifələri yerinə yetirdiyi iddia olunmasına baxmayaraq, bu açıqlamaları dəstəkləyən real sübut yoxdur. Bundan başqa, əvvəllər təqdim olunan demoların bir qismi robotların "avtonom" kimi göstərildiyini, əslində isə uzaqdan insan operatorları tərəfindən idarə olunduğunu göstərir.
Buna baxmayaraq, investorlar Maskın açıqlamasına müsbət reaksiya verib və "Tesla" səhmləri 3%-dən çox artıb. Digər tərəfdən, "Optimus" layihəsinin rəhbəri Milan Kovaçın "Tesla"dan ayrılması, layihənin gələcəyi ilə bağlı suallar yaradıb.
Ekspertlər bildirirlər ki, "Optimus"un 2027-ci ilə qədər tam avtonom və mürəkkəb vəzifələri yerinə yetirən bir robot halına gəlməsi çox çətin görünür. Bu səbəbdən Maskın təqvimi, süni intellekt və təkillik mövzusundakı əvvəlki iddialarla eyni kateqoriyaya qoyula bilər.
Eyni tədbirdə Mask uzun müddət gözlənilən "Cybercab" layihəsinə də toxunub. Sükan olmayan bu avtomobil 2026-cı ilin aprelində istehsala çıxarılacaq və hədəf illik 2 milyon avtomobil istehsalıdır. Bu vəd "Optimus" qədər iddialı görünməsə də, sükanı olmayan iki nəfərlik avtomobil üçün tələb nə qədər yüksək olacaq, bu hələ sual altındadır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Görüntünü izləyən hər kəs eyni şərhi yazır - VİDEO
Baş nazirdən hərbi qulluqçuların maaşları ilə bağlı - Qərar
9800 manatlıq "unsiya": Heyvan orqanizmində tapılan ən bahalı xammal
Azərbaycanda üç kəndin adı milliləşdirilir - QƏRAR
Milyonlarla insanın yediyi meyvə: təhlükəliymiş
Azərbaycanda insan alverində təqsirləndirilən iki nəfər axtarışa verilib
Bunu edənlər 200 manatadək cərimə ediləcək
"İnsanlıq ölüb" dedirən görüntü - VİDEO
Gəncədə direktor müavininin güllələnməsinin ŞOK TƏFƏRRÜATI - Oğlu saxlanıldı
Polis həmin "həkim"i saxladı
2 uşağının anasını gözünü qırpmadan öldürdü
Könül Həmzəyeva saxlanıldı
Qadağa qoyulan müğənnilər yenidən EFİRDƏ - Tolikdən sərt ETİRAZ - VİDEO
Töhmət alan məktəb direktoru işdən çıxarıldı