Balakəndə kişi mesaja görə bacanağını və arvadını bıçaqladı, amnistiyaya düşdü

Balakəndə kişi arvadını və bacanağını bıçaqlayıb.

Sonxeber.az Lent.az-a istinadən xəbər verir ki, hadisə rayonun Qaysa kəndində qeydə alınıb.

38 yaşlı Kamal Məmmədov (ad və soyad şərtidir) yaşadığı evin həyətində bacanağını, evin qonaq otağında isə arvadına kəsici alətlə xəsarətlər yetirib.

Bu əməllərinə görə, o saxlanılıb və barəsində cinayət işi başlanıb.

İttiham aktına görə, bacanağı onun evinin həyətindəki tikilidə gizlənib və "WhatsApp" vasitəsilə Kamalın arvadına mesaj yazaraq həyətə düşməsini istəyib. Bundan xəbər tutan K.Məmmədov qısqanclıq zəminində həyətdə bacanağını bıçaqlayıb. Daha sonra evə girərək qonaq otağında arvadına da xəsarət yetirib.

Təqsirləndirilən şəxs məhkəmə çıxışı zamanı barəsində "Konstitusiya və Suverenlik İli" çərçivəsində elan olunmuş amnistiya aktının tətbiq olunmasını xahiş edib.

Balakən Rayon Məhkəməsinin qərarı ilə K. Məmmədov barəsində cinayət təqibinə xitam verilib və o, məsuliyyətdən azad olunub.

Telegramda izləyin