Keçmiş arvadını öldürüb, intihar etdi

Aksaray şəhərində dəhşətli qətl hadisəsi baş verib.

Sonxeber.az türk mediasına istinadən xəbər verir ki, hadisə şəhərin mərkəzi rayonuna bağlı Büyük Bölcek məhəlləsində yerləşən yaşayış binasının 2-ci mərtəbəsində qeydə alınıb. Məlumata görə, Tolqa K. ilə keçmiş həyat yoldaşı Kübra K. arasında naməlum səbəbdən mübahisə yaranıb.

Mübahisə zamanı Tolqa K. üzərində olan tapança ilə keçmiş həyat yoldaşına və onun əmisiqızı Zeynəb A.-ya atəş açıb. Daha sonra o, eyni silahla özünü güllələyərək intihar edib.

Hadisə yerinə çağırılan təcili tibbi yardım və polis əməkdaşları tərəfindən aparılan ilkin baxış zamanı Tolqa K. və Kübra K.-nin həyatını itirdiyi müəyyən olunub. Ağır yaralanan Zeynəb A. isə xəstəxanaya çatdırılsa da, həkimlərin səylərinə baxmayaraq vəfat edib.

Faktla bağlı araşdırma davam etdirilir.

Telegramda izləyin