Yeddinci mərtəbədən düşən uşağı havada tutaraq xilas etdi - VİDEO

Rusiyanın Sankt-Peterburq şəhərində Petroqradskaya küçəsində yerləşən binanın 7-ci mərtəbəsində bir uşaq açıq pəncərə önündə oyun oynayarkən təsadüfən pəncərədən yıxılıb.

Sonxeber.az xarici mediaya istinadən xəbər verir ki, binanın girişində dayanmış Özbəkistan vətəndaşı olan bina işçisi uşağın yıxıldığını görərək onu havada tutub. Uşaq qısa müddət şok yaşadıqdan sonra binanın qarşısına gələn təcili yardım maşını ilə xəstəxanaya çatdırılıb. Hadisə zamanı uşağın bir ayağında sınıq olduğu bildirilib.

Uşağı xilas edən bina işçisi də ambulansla xəstəxanaya aparılıb. Müayinələr göstərib ki, işçinin qabırğalarında sınıq əmələ gəlib. Sağlamlıq vəziyyəti yaxşı olan bina işçisi Rusiyada qəhrəman kimi təqdim olunub və hadisə ölkədə ən çox müzakirə olunan mövzulardan birinə çevrilib.

Xilas edilən uşağın autizm xəstəsi olduğu, atasının bir il əvvəl vəfat etdiyi, anasının isə hadisə zamanı işdə olduğu üçün uşağı evdə tək buraxmalı olduğu məlum olub.

Telegramda izləyin