Dərənin arxasında quş var sanırdı, qarşılaşdığı mənzərə şok etdi - VİDEO

Erzurumun İspir rayonunda dağlıq ərazidə baş verən hadisə təhlükəli anları ilə diqqət çəkib.

Sonxeber.az türk mediasına istinadənə xəbər verir ki, quş müşahidəsi aparmaq üçün dağa qalxan peşəkar alpinist Bülent Erkan gözlənilmədən boz ayı ilə qarşılaşıb. "Dağların oğlu" ləqəbi ilə tanınan dağçı, qış yuxusundan yeni oyanmış ayı ilə üz-üzə gəlib. Hadisə onun kamerasına saniyə-saniyə əks olunub.

Kadrlarda Erkanın əvvəlcə "Quş səsi eşitdim, ora doğru getməyə çalışacağam" dediyi, qısa müddət sonra isə ayı ilə qarşılaşdığı görünür. Təhlükəli vəziyyətə baxmayaraq, o, soyuqqanlılığını qoruyaraq panikaya qapılmadan nəzarətli şəkildə geri çəkilib. Səs tonunu yüksəldərək və məsafəni qoruyaraq ayını ərazidən uzaqlaşdırmağa nail olub.

Yaşananlar bir daha göstərib ki, vəhşi təbiətdə hər an gözlənilməz situasiya yarana bilər. Mütəxəssislər xüsusilə yaz aylarında, heyvanların qış yuxusundan oyandığı dövrdə dağlıq və meşəlik ərazilərdə daha diqqətli olmağı tövsiyə edirlər. Təbiət gözəldir, amma öz qaydaları var - ora qonaq kimi gedən hər kəs bu qaydaları unutmalı deyil.

Telegramda izləyin