Dilənçi qadınlar yer üstündə saç-başa dava edib - VİDEO

Bursanın Yıldırım rayonunda baş verən dava anları kameraya düşüb.

Sonxeber.az türk mediasına istinadən xəbər verir ki, dilənçiliklə məşğul olan iki qadın arasında yer üstündə mübahisə yaranıb. Qısa müddətdə böyüyən mübahisə saç-saça, baş-başa davaya çevrilib.

Dava zamanı qadınlardan birinin qucağında olan körpənin yerə yıxıldığı və ağlamağa başladığı görülüb. Körpənin yerdə qalmasına baxmayaraq qadınların mübahisəni davam etdirməsi ətrafdakı vətəndaşların narazılığına səbəb olub.

Hadisə ərazidə olan bir sürücünün kamerası tərəfindən saniyə-saniyə qeydə alınıb. Kadrlarda qadınların bir-birinə hücum etdiyi, körpənin isə yerə düşdükdən sonra ağladığı anlar əks olunub.

Faktla bağlı rəsmi qurumların araşdırma aparıb-aparmadığı barədə əlavə məlumat verilməyib.

Telegramda izləyin