16 yaşlı gənc 8 yaşlı uşağı amansızcasına döydü - VİDEO

Türkiyənin Şanlıurfa şəhərində baş verən zorakılıq hadisəsi cəmiyyətdə böyük rezonans doğurub. Məlumata görə, 16 yaşlı yeniyetmə 8 yaşlı uşağı təpik və yumruqlarla döyərək ağır şəkildə xəsarət yetirib.

Sonxeber.az türk mediasına istinadən xəbər verir ki, hadisə zamanı gəncin uşağı döydüyü anlar mobil telefon vasitəsilə çəkilərək sosial şəbəkələrdə paylaşılıb. Qısa müddətdə yayılan görüntülər internet istifadəçiləri arasında böyük qəzəb və narazılıq yaradıb.

Bildirilir ki, azyaşlını döyən yeniyetmə hüquq-mühafizə orqanları tərəfindən saxlanılıb. Lakin onun ifadəsi alındıqdan sonra sərbəst buraxılması sosial mediada əlavə etirazlara səbəb olub.

Hadisə ilə bağlı müzakirələr davam edir və bir çox istifadəçi azyaşlıya qarşı törədilən zorakılığa görə daha sərt tədbirlərin görülməsini tələb edir.

Telegramda izləyin