"İl sonu Belqradda keçiriləcək görüş Azərbaycan-Serbiya münasibətlərinin daha da möhkəmlənməsi üçün mühüm addım olacaq" - ŞƏRH
Azərbaycanla Serbiya arasında siyasi məsləhətləşmələrin növbəti raundunun ilin sonunda Belqradda keçiriləcəyi gözlənilir.
Bunu "Report"un Balkan bürosuna müsahibəsində Serbiya Xarici İşlər Nazirliyinin dövlət katibi Damyan Yoviç deyib.
O xatırladıb ki, bu ilin fevralında ikinci dövlət katibi Nevena Yovanoviç Bakıda çoxtərəfli məsləhətləşmələrdə iştirak edib:
"Düşünürəm ki, ən sıx siyasi məsləhətləşmə məhz bizim nazirliklərimiz arasında aparılır. Nazir Marko Curiç vəzifəyə gəldikdən və mən nazirlikdə dövlət katibi olaraq fəaliyyətə başladıqdan sonra ölkələrimiz arasında hər il siyasi məsləhətləşmələr keçirilib. 2024-cü ildə Azərbaycan nümayəndə heyəti Belqradda, keçən il isə mən Bakıda olmuşam".
O vurğulayıb ki, siyasi məsləhətləşmələr mexanizmi iki ölkə arasında əməkdaşlıq çərçivəsində baş verən bütün proseslərin ümumi icmalını dəyərləndirmək üçün yaxşı vasitədir.
"Nazirliklərimiz arasında yüksək səviyyədə qarşılıqlı anlayış mövcuddur. Bildiyiniz kimi, biz ərazi bütövlüyü və suverenlik məsələlərində bir-birimizi qətiyyətlə dəstəkləyirik. Bunlar hər iki ölkə üçün çox mühüm prinsiplərdir. Bu səviyyədə anlaşma yalnız ölkələrimiz arasındakı tərəfdaşlıq kimi deyil, həm də bir-birini çox yaxşı tanıyan şəxslərin dostcasına görüşləri kimi dəyərləndirilir. Yəni belə məsləhətləşmələr ən yaxın dostlarla görüşmək kimidir", - o deyib.
"Azərbaycanla Serbiya arasında siyasi məsləhətləşmələrin müntəzəm xarakter alması, iki ölkənin diplomatik münasibətlərini sadəcə formal protokoldan çıxarıb strateji tərəfdaşlıq müstəvisinə yüksəldir" , - bunu Sonxeber.az -a açıqlama verən politoloq Tural İsmayılov deyib:
"Belə görüşlərin hər il keçirilməsi, tərəflərin bir-birinə verdiyi önəmin göstəricisidir. Bu, həm regional, həm də beynəlxalq səviyyədə mövqelərin koordinasiyası baxımından mühüm əhəmiyyət daşıyır. Ərazi bütövlüyü və suverenlik məsələlərində qarşılıqlı dəstək, Azərbaycan və Serbiyanın beynəlxalq hüquqa sadiqliyini nümayiş etdirir. Bu prinsipial mövqelər, onların bir-birinə etibarlı tərəfdaş kimi yanaşdıqlarını sübut edir.
Siyasi məsləhətləşmələr mexanizmi, yalnız gündəlik əməkdaşlıq məsələlərinin müzakirəsi üçün deyil, həm də gələcək strateji xəttin müəyyənləşdirilməsi baxımından vacib platformadır. Nazirliklər arasında formalaşan dostcasına münasibət, diplomatik əlaqələrin daha çevik və səmərəli olmasına şərait yaradır. Bu, klassik diplomatiyadan fərqli olaraq, şəxsi etimad və qarşılıqlı hörmət üzərində qurulan bir modeldir. Belə bir mühitdə müzakirələr daha açıq, daha səmimi və nəticə yönümlü olur.
Azərbaycan və Serbiya arasında bu formatda aparılan dialoqlar, həm ikitərəfli münasibətlərin dərinləşməsinə, həm də çoxtərəfli əməkdaşlıq imkanlarının genişlənməsinə xidmət edir. Xüsusilə enerji, nəqliyyat, mədəniyyət və təhsil sahələrində əməkdaşlıq perspektivləri bu məsləhətləşmələrdə gündəmə gətirilə bilər. Bununla yanaşı, iki ölkənin beynəlxalq təşkilatlar çərçivəsində bir-birini dəstəkləməsi, onların qlobal siyasətdə mövqelərinin güclənməsinə səbəb olur.
İlin sonunda Belqradda keçiriləcək növbəti raund, Azərbaycan-Serbiya münasibətlərinin daha da möhkəmlənməsi üçün mühüm addım olacaq. Bu görüş, həm yeni əməkdaşlıq sahələrinin açılmasına, həm də mövcud tərəfdaşlığın strateji müttəfiqlik səviyyəsinə yüksəlməsinə imkan verəcək. Beləliklə, iki ölkə arasında siyasi məsləhətləşmələr, dostluq və tərəfdaşlıq münasibətlərini daha da gücləndirən, gələcəkdə daha geniş miqyaslı əməkdaşlığa yol açan əsas mexanizm kimi çıxış edir".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Nəriman Axundzadə ABŞ-da darmadağına şahid oldu
Bakıda iri anbar yanır - Hadisə yerindən ƏN SON MƏLUMATLAR - YENİLƏNİR - FOTO - VİDEO
Şimşək çaxacaq, dolu düşəcək - Xəbərdarlıq
Qaraciyəri təbii yolla təmizləyən ƏSAS QİDALAR
Bu şəxslərə qayğanaq yemək OLMAZ
Gəncədə 16 yaşlı oğlanın meyiti tapıldı
Güclü külək əsəcək
XIX əsrdə yox olan qədim göl, 130 il sonra yenidən ortaya çıxdı
Bakıda yanan anbar məşhur şirkətin imiş
Bakıda məktəbdə beşinci sinif şagirdi qızı bıçaqladı: Polis hərəkətə keçdi
Xalq artistinin qızı duet ortağı ilə NİŞANLANDI - VİDEO
Azərbaycanda tanınmış fotoqraf ÖLDÜ - FOTO
Hərbçilərimiz ermənilərin gedərkən basdırdığı minaya düşüb
Messi futbolda ilk dəfə varisini AÇIQLADI
Hərbçilərimiz Kəlbəcərdə minaya düşdü