Gecə klubunda tanış olduğu qadını evinə dəvət edən kişi həyatının şokunu yaşadı

İstanbulda gecə klubunda tanış olduğu qadını evinə aparan iş adamı həyatının şokunu yaşayıb.

Sonxeber.az xəbər verir ki, gecə əyləncə məkanında tanış olduğu qadınla birlikdə evinə gedən iş adamı, qısa müddət sonra gözlənilməz vəziyyətlə üzləşib.

İddiaya görə, qadın evdə olarkən qəfil halının pisləşdiyini bildirib və narkotik maddə qəbul etdiyini deyərək vəziyyəti dramatikləşdirib. Bir müddət sonra isə hadisəyə başqa şəxslər də qoşulub. Onlar iş adamını qadına narkotik verdiyini iddia edərək hədələməyə başlayıblar.

Şübhəlilər iş adamından 50 min lirə tələb edib. Təzyiq və hədələr qarşısında qalan zərərçəkmiş şəxs tələb olunan məbləğin bir hissəsini ödəməyə məcbur olub.

Daha sonra vəziyyətin şantaj olduğunu anlayan iş adamı hüquq-mühafizə orqanlarına müraciət edib. Polis əməkdaşlarının keçirdiyi əməliyyat tədbirləri nəticəsində hadisədə iştirak edən şəxslər saxlanılıb.

Faktla bağlı araşdırma aparılır.

Telegramda izləyin