Vaşinqtonda atəş açılan tədbirdən qaçanlar özləri ilə spirtli içki aparıblar

Aprelin 25-də Ağ Ev Müxbirləri Assosiasiyasının atışma baş verən tədbirində maraqlı anlar yaşanıb.

Sonxeber.az xarici mediaya istinadən xəbər verir ki, atışma zamanı tədbirdə iştirak edən qonaqlar özləri ilə spirtli içki şüşələrini aparıblar.

Bu barədə "The New York Post" qəzeti məlumat yayıb. Nəşrin xəbərinə əsasən, Prezident Donald Trampın da qatıldığı tədbirdə atəş açılması səbəbindən iştirakçılar "Washington Hilton" otelinin banket zalını tərk edərkən, bəzi şəxslər yemək masasına yaxınlaşaraq spirtli içki şüşələrini götürərək otaqdan çıxıblar. Bu anlar kameralar tərəfindən qeydə alınıb və həmin görüntülər internet resurslarında geniş yayılıb. Qəzet əlavə edib ki, bu hərəkəti edən tədbir iştirakçılarının şəxsiyyəti hələlik müəyyən edilməyib.

Sosial şəbəkələrdə insanların bir qismi dəvət olunmuş qonaqların bu hərəkətini biabırçılıq adlandırıblar. Digərləri isə qəbulda iştirak haqqının 350 dollardan çox olduğunu və tədbirin vaxtından əvvəl başa çatdığını əsas gətirərək, bu cür davranışın normal olduğunu qeyd ediblər.

Telegramda izləyin