Dünya Çempionatında gözlənilməz qonaq: Zəhərli ilan

ABŞ-da keçirilən futbol üzrə Dünya Çempionatında maraqlı hadisə yaşanıb. Almaniya milli komandasının məşqi zamanı meydançanın yaxınlığında zəhərli ilan aşkarlanıb və hazırlıq prosesi qısa müddətə dayandırılıb.

Sonxeber.az xarici mediaysına istinadən xəbər verir ki, hadisə komandanın Şimali Karolina ştatının Uinston-Seylem şəhərində yerləşən bazasında baş verib. Məşq zamanı əraziyə daxil olan zəhərli ilan (Copperhead) təhlükəsizlik əməkdaşlarının müdaxiləsinə səbəb olub. Nəticədə futbolçular bir müddət meydançadan uzaqlaşdırılıb.

Almaniya millisinin kapitanı Coşua Kimmix hadisədən sonra jurnalistlərə açıqlamasında bildirib ki, ilan aşkarlandıqdan sonra komandada qısa müddətli narahatlıq yaranıb.

Mütəxəssislərin sözlərinə görə, bakırbaş ilanı ABŞ-da geniş yayılmış zəhərli ilan növlərindən biridir. Onun dişləməsi əksər hallarda ölümcül olmasa da, ciddi tibbi müdaxilə tələb edir və sağlamlıq üçün təhlükə yarada bilər.

Hadisədən sonra məşq bazasında əlavə təhlükəsizlik tədbirləri görülüb, ərazi yoxlanılıb və futbolçulara ehtiyatlı olmaları tövsiyə edilib. İlanın ərazidən uzaqlaşdırılmasından sonra Almaniya millisi hazırlıqlarını davam etdirib.

Qeyd edək ki, ABŞ-da keçirilən Dünya Çempionatı zamanı bəzi komandaların düşərgələrində vəhşi təbiətlə bağlı oxşar hadisələrin yaşandığı bildirilir. Buna baxmayaraq, təşkilatçılar iştirakçıların təhlükəsizliyinin tam təmin olunduğunu vurğulayırlar.

Telegramda izləyin