Qadın həkimin yolda etdikləri üz qızartdı - VİDEO

Türkiyənin Adana şəhərində iki sürücü arasında yolda baş verən gərgin mübahisə mobil telefon kamerasına düşüb.

Sonxeber.az xarici mediaya istinadla xəbər verir ki, həkim olduğunu deyən qadın sürücünün mübahisə zamanı səsləndirdiyi ifadələr və davranışları sosial şəbəkələrdə geniş müzakirələrə səbəb olub.

Hadisə Sarıçam rayonundakı Hekimköy bulvarında qeydə alınıb. Məlumata görə, hərəkətdə olan qadın və kişi sürücü arasında hələlik məlum olmayan səbəbdən sözlü mübahisə yaranıb. Gərginliyin artdığını görən kişi sürücü baş verənləri mobil telefonu ilə qeydə almağa başlayıb.

Kadrlarda qadın sürücünün əsəbi şəkildə qarşı tərəfə sərt ifadələr işlətdiyi görünür. Özünü həkim kimi təqdim edən qadın sürücü mübahisə zamanı yüksək səslə müxtəlif ittihamlar səsləndirib.

Sosial şəbəkələrdə yayılan görüntülər qısa müddətdə böyük maraq doğurub. İstifadəçilər qadının davranışını və səsləndirdiyi iddiaları geniş şəkildə müzakirə ediblər.

Hadisə ilə bağlı rəsmi açıqlama verilməyib.

Telegramda izləyin