Avtobus qəzaları BU SƏBƏBdən artır - AÇIQLAMA

Son zamanlar avtobus qəzalarının sayı artır. Bəs buna səbəb nədir? Sürücü məsuliyyətsizliyi, dayanacağa tez çatmaq istəyi, intervala uyğun hərəkət etmək, yoxsa qanunsuz sərnişin daşıyanlar?

Məsələ ilə bağlı Sonxeber.az-a Bakı Nəqliyyat Agentliyinin sözçüsü Mais Ağayev açıqlama verib.

O bildirib ki, son 2 gündə olan qəzaya səbəb qanunsuz sərnişindaşımadır:

"Əslində "BakuBus" avtobusları ilə qəza olur, qəzaların sayı artır kimi fikirlər real deyil. Çünki "BakuBus"da son günlərin statistikasında böyük qəzaların sayı çox deyil. Şükür ki, cəmi iki belə hadisə qeydə alınıb: biri dünən, biri də bu gün 13 nömrəli avtobusda.

Ümumilikdə, avtobus qəzaları ilə bağlı aparılan təhlillər onu göstərir ki, dayanacaqlara yaxın ərazilərdə baş verən qəzaların böyük əksəriyyətinin səbəbi dayanacaq məntəqələrinin qanunsuz sərnişindaşıma vasitələri və yük avtomobilləri ilə zəbt olunmasıdır.

Bu hadisələr daha çox "Nərimanov", "Əhmədli", "20 yanvar", "Koroğlu" və "Neftçilər" metrostansiyaları ətrafında yaşanır.

Qanunsuz sərnişindaşıma vasitələri dayanacaq məntəqəsinin ərazisini və giriş-çıxış hissələrini tamamilə zəbt etdikdə, avtobusların orada hərəkəti çətinləşir. Nəticə etibari ilə, yüngül də olsa, yol nəqliyyat hadisələri baş verir".

ZAİRA AKİFQIZI

Telegramda izləyin