Əri, qardaşı, yaxını şəhid olan məşhurlar kimlərdir? - Nanə, Elariz, Təranə...

Azərbaycanda 8 noyabr – Zəfər Bayramına sayılı günlər qalıb.

Bəs, Azərbaycanda yaxını şəhid olan məşhurlar varmı? Varsa, onlar kimlərdir?

Sonxeber.az AZXEBER.COM-a istinadən həmin məşhurları təqdim edir.

Müğənni Elariz Məmmədoğlunun qardaşı Qarabağ savaşında itkin düşüb. Müğənninin bildirdiyinə görə, qardaşı döyüş meydanında qaldığı üçün onu çıxarmaq mümkün olmayıb. İndiyə kimi bunu analarından gizlətdiyini deyən müğənni, atasının oğluna görə 14 il saqqal saxladığını bildirib.

Əməkdar artist Aybəniz Haşımovanın həyat yoldaşı Xalid Quliyev 29 yaşında şəhid olub. Təhsil Nazirliyi nəzdnində Təcrübə sınaq zavodunun Baş direktoru vəzifəsində işləyən X.Quliyev könüllü olaraq cəbhəyə yollanır və Ağdərədə gedən döyüşlərdə böyük şücaət göstərib. Manikli uğrunda gedən döyüşlərdə qəhrəmancasına şəhid olub.

Əməkdar artist Gülüstan Əliyevanın həyat yoldaşı Zahid Əhmədov 31 yaşında şəhid olub. Cəbrayıl rayonu Polis İdarəsi Cinayət axtarış şöbəsinin rəisi işləyən Z.Əhmədov könüllü olaraq cəbhəyə yollanıb. Nəinki Cəbrayılda, Qabarağda xüsusi nüfuza malik olan Zahid Əhmədov vicdanlı məmur olaraq ad çıxarıb. 1991-ci ildə Cəbrayıl cəbhəsində minaya düşüb. Rüfət adlı bir oğul yadigarı qalıb. Əməkdar artistin qardaşı da vətən uğrunda şəhid olub.

Tanınmış aparıcı Nanə Ağamalıyevanın qardaşı da şəhid olub. Bununla bağlı açıqlama verən aparıcı bildirib ki, qardaşı 6 əsgər yoldaşı ilə birgə şəhid olub: "Həmin hadisə bizə çox pis təsir etdi. Qardaşim digər şəhidlər kimi şərəfli ömür yaşadı və biz onunla fəxr edirik".

Müğənni Təranə Qumralının qardaşı Firdovsi Məmmədov da Qarabağda şəhid olub. O, milli ordumuzun ilk şəhidlərindən biridir. Müğənninin bildirdiyinə görə, qardaşı yoldaşları ilə birlikdə düşmənlə saatlarla davam edən döyüşdə böyük şücaət göstərib və qəhrəmancasına şəhid olub.

Xalq şairi, mərhum Xəlil Rza Ulutürkün oğlu Təbriz Xəlilbəyli Qarabağ döyüşlərində şəhid olub və Azərbaycanın Milli Qəhrəmanıdır. 1991-ci ildə könüllü olaraq cəbhəyə yollanan T.Xəlilbəyli Xromord və Naxçıvanik kəndləri uğrunda gedən döyüşlərdə böyük qəhrəmanlıq göstərib. Daşaltı əməliyyatı zamanı qəhrəmancasına həlak olub.

Telegramda izləyin