Ər 17 yaşlı arvadının başını kəsib şəhərdə dolaşdırdı - VİDEO

İranın Xuzistan əyalətinin mərkəzi Əhvaz şəhərində dəhşətli qətl hadisəsi baş verib.

Sonxeber.az Ölkə.az-a istinadən xəbər verir ki, iranlı ər 17 yaşlı arvadının başını kəsib.

Məlum olub ki, 17 yaşlı yeniyetmə daha əvvəl həyat yoldaşının təzyiqlərindən bezərək Türkiyəyə qaçıb. Lakin daha sonra ailəsi tərəfindən yenidən İrana aparılıb. Barəsində edam qərarı verilən 17 yaşlı gəncin başı əri tərəfindən kəsilib. Hadisədən arvadının kəsilmiş başını əlinə alaraq şəhər meydanında dolaşıb.

Hadisədən sonra qatil ər və qızın qardaşı polis tərəfindən saxlanılıb.

Hadisə ilə bağlı Xuzistan Baş Prokurorluğunun verdiyi açıqlamada aşağıdakı ifadələr yer alıb:

"Bu gün Əhvazda qətl hadisəsi baş verib və daha sonra qatil şəhərin küçələrindən birində insanların psixoloji təhlükəsizliyinə xələl gətirərək qətl törətdiyini nümayiş etdirib. Polisin səyi və lazımi məhkəmə qərarlarının verilməsi ilə qətlin səbəbkarları hadisədən sonra müəyyən edilərək həbs edilib. Əyalət məhkəməsi bu hadisədə təqsirləndirilən şəxslərlə tez bir zamanda məşğul olacaq", - açıqlamada bildirilib.

Telegramda izləyin