Səfirlik Ukraynada yaşayan azərbaycanlılara müraciət etdi

Azərbaycanın Ukraynadakı Səfirliyi bu ölkədə yaşayan azərbaycanlılara müraciət edib.
Sonxeber.az Səfirliyin mətbuat xidmətinə istinadən xəbər verir ki, müraciətdə deyilir:

"Ukraynanın müxtəlif ərazilərində təhlükəsizlik vəziyyətinin gərgin olduğunu nəzərə alaraq, Azərbaycan Xarici İşlər Nazirliyi və Ukraynadakı səfirliyi tərəfindən öncədən də bildirildiyi kimi, bütün vətəndaşlarımızdan yaşadıqları yerlərdə qalmağı, komendant saatı tələblərinə riayət etməyi, hərbi obyektlərdən və aktiv əməliyyatların getdiyi yerlərdən uzaq durmağı, çox ciddi ehtiyac yaranmadıqca olduqları yeri tərk etməməyi, həmçinin vəziyyətlə bağlı Ukrayna dövlət qurumlarının məlumatlarının, Azərbaycan Xarici İşlər Nazirliyinin və səfirliyin internet səhifələrinin izlənməsini xahiş edirik".

Telegramda izləyin