Vüsalənin ATV-dən getmə səbəbi BİLİNDİ - AÇIQLAMA

Xəbər verdiyimiz kimi, ATV kanalında yayımlanan "Xoş-Beş" verilişində aparıcı Vüsalə Kərimovanı bu gündən İlhamə Bədəlova əvəz edəcək.

Sonxeber.az bunun səbəbini öyrənmək üçün "Azad Azərbaycan" Teleradio Şirkətinin Media və ictimaiyyətlə əlaqələr şöbəsinin rəhbəri Ozal İbrahimli ilə əlaqə saxlayıb.

O bildirib ki, Vüsalə Kərimova özü "Production"la yollarını ayırıb:

"Bizdə bu, "Production" istehsalı olan layihədir. Aparıcı işlərinin çoxluğunu nəzərə alaqraq, "Production" Vüsalə Kərimova ilə qarşılıqlı olaraq yollarını ayırıb. Yəni kanal tərəfindən heç bir problem yoxdur".

Daha sonra Sonxeber.az prodüser və aparıcı Vüsalə Kərimovanın mövqeyini öyrənmək üçün onunla əlaqə saxlayıb.

Vüsalə xanım bu barədə hazırda heç bir məlumat vermək istəmədiyini deyib:

"Mən hələ heç nə deməyəcəyəm. Bir azdan öz səhifəmdə bu məsələ ilə bağlı video çəkib paylaşacağam".

ZAİRA AKİFQIZI

Telegramda izləyin