ATV-nin əməkdaşlarını döyənlərdən biri cəzalandırıldı, digərləri axtarışdadır - VİDEO

Azad Azərbaycan (ATV) televiziyasının çəkiliş qrupuna hücum edilib.

Sonxeber.az xəbər verir ki, jurnalistlərə qarşı şiddət göstərənlər cəzalandırılıb.

Belə ki, qaynar xəttə daxil olan müraciət əsasında "20 yanvar" dairəsi ətrafına üz tutan jurnaistlər küçə ticarəti ilə məşğul olan şəxslərin ərazidə antisanitar vəziyyət yaratmasını işıqlandırmaq istəyərkən hücuma məruz qalıblar. Məsələdən xəbərdar olmayan şəxslər belə, jurnalistlərin işlərinin icrasına mane olub, kameralarına və sağlamlıqlarına zərər vurub, jurnalist azadlığını məhdudlaşdırmağa çalışıblar. Xidməti avtomobili mühasirəyə alıb, jurnalistlərin ünvanına təhqiredici ifadələr işlədiblər. Bunlar azmış kimi, "qəhrəman"lar göstərdikləri "şücaət"i sosial şəbəkə hesablarında da yerləşdiriblər.

Jurnalistlərin Həmkarlar İttifaqının sədri Müşfiq Ələsgərlinin sözlərinə görə, jurnalist fəaliyyətinin yerinə yetirilməsinə mane olmaq "Media haqqında" Qanunun kobud şəkildə pozulmasıdır və hüquqla məsuliyyət doğurur.

Bu səbəbdən, vəzifəsini yerinə yetirənlərə mane olanlar qanunla cəzalandırılıblar.

Bu barədə DİN-in mətbuat xidmətinin əməkdaşı Nurlan Əliyev bildirib. Onun sözlərinə görə, məsələ ilə bağlı Nəsimi Rayon Polis İdarəsinin 19-cu polis bölməsinin əmkdaşları tərəfindən bir nəfər şəxs saxlanılaraq barəsində İnzibati Xətalar Məcəlləsinin müvafiq maddəsi ilə inzibati tənbeh tətbiq edilib. Hadisəylə bağlı digər şəxslərin də müəyyən edilib məsuliyyətə cəlb olunması istiqamətində tədbirlər davam etdirilir.

Daha ətraflı aşağıdakı süjetdən izləyə bilərsiniz:

Natəvan Baxşiyeva

Telegramda izləyin