Şabranda bağçadakı görüntülərə görə tərbiyəçilər dindirildilər

"Şabran şəhər 1 saylı uşaq bağçasında körpələrə verilən qidaların keyfiyyətsiz olmasını əks etdirən görüntülər Təhsil Nazirliyi tərəfindən araşdırılır".

Bunu Modern.az-a açıqlamasında barəsində ittihamlar səsləndirilən bağçanın müdiri Lalə Qədəşova bildirib.

Onun sözlərinə görə, Xaçmaz Regional Təhsil idarəsinin əməkdaşları bağçaya gəliblər:

"Hazırda tərbiyəçilər dindirilirlər və onlardan izahatlar alınır. Mən kənardayam. Araşdırmaların nəticələrini gözləyirik. Bütün ittihamlar qarşısında susdum və bunu yalnız ailəmə bildirdim, hələ vaxtım olmayıb, fikrim var ki, bununla bağlı polisə də şikayət edim".

Qeyd edək ki, Lalə Qədəşova ötən gün açıqlamasında bağçada lentə alınan görüntülərin tərbiyəçilər tərəfindən qəsdən gündəmə gətirildiyini söyləmişdi.

Telegramda izləyin