Yeni cərimə müəyyənləşir - 5 min manata qədər

Azərbaycanda kritik informasiya infrastrukturunun təhlükəsizliyinin təmin edilməsi üzrə səlahiyyətli orqanının (vəzifəli şəxsin) tələblərinin yerinə yetirilməməsi və ya ona maneçilik törədilməsinə görə yeni cərimə müəyyənləşir.

Sonxeber.az-ın məlumatına əsasən, bununla bağlı məsələ Milli Məclisin iclasında müzakirəyə çıxarılıb.

Qeyd edək ki, İnzibati Xətalar Məcəlləsinə müvafiq dəyişiklik təklif edilir.

Kritik informasiya infrastrukturu obyektlərinin təhlükəsizliyi üzrə tələblərin pozulması hallarının aradan qaldırılmasına dair səlahiyyətli orqanının (vəzifəli şəxsin) tələbinin yerinə yetirilməməsinə, yaxud kibertəhdidlərin və kiberhücumların aşkarlanması, qarşısının alınması və təhlükəsizlik insidentlərinin araşdırılması üçün səlahiyyətli orqanına (vəzifəli şəxsə) lazımi şəraitin yaradılmamasına və ya maneçilik törədilməsinə görə vəzifəli şəxslər 1000 manatdan 1500 manatadək məbləğdə, hüquqi şəxslər 4000 manatdan 5000 manatadək məbləğdə cərimə olunacaq.

Layihə səsverməyə çıxarılaraq üçüncü oxunuşda qəbul edilib.

Telegramda izləyin