"Müasir təhsil sistemi BİZNESə çevrilib" - Ekspertdən AÇIQLAMA

"Orta təhsil müəssisələrində təhsilin keyfiyyət göstəricilərinin aşağı düşməsi ilə digər əmək bazarında özəl təhsil müəssisələrinin formalaşması labüdləşir. Nəticə etibarı ilə, hər yerdə bir özəl təhsil müəssəsi yaradılıb. Bu da rəqabətə gətirib çıxarır".

Bu fikirləri Sonxeber.az saytına təhsil eksperti Elçin Əfəndi bildirib.

O, qeyd edib ki, bu gün orta təhsil müəssisəsində təhsil alan 1 900 000 şagirdin yarıdan çoxu hazırlıqlara gedir:

"Bura təhsil mərkəzləri, repetitorlar, hazırlıq kursları daxildir. Paralel olaraq, özəl təhsil müəssələri də mövcuddur.

Əlbəttə, təhsil keyfiyyətinin daha yüksək olması özəl təhsil müəssisələrinin artmasına səbəb olur. Dövlət təhsil müəssisələri tədricən ödənişli əsaslarla fəaliyyət göstərə bilər.

Müəyyən şeylər özəl təhsil müəssisələrini dövlət təhsil müəssisələrindən fərqləndirir. Özəl təhsil müəssisələrində olan əmək haqqı dövlət təhsil müəssisələrində də olsa, bu problemin qarşısını almaq olar.

Reallığa əsaslanaraq demək olar ki, müasir təhsil sistemi bir növ biznesə çevrilib. Bunun qarşını almaq üçün müəyyən addımlar atılmalıdır. Dünyanın əksər ölkələrində olan təhsil göstəriciləri bu sahənin də biznesə çevrildiyini göstərir".

AYSEL QULİYEVA

Telegramda izləyin