"KFC" reseptlərində dəyişiklik etməyə məcbur oldu

"KFC" şirkəti burger və digər "fast food"ların reseptlərində dəyişiklik etməli olub.

Sonxeber.az-ın məlumatına görə, "fast food" nəhəngi "KFC" Avstraliyada kahı qıtlığı ilə mübarizə apardığı üçün onu kələmlə dəyişməyə məcbur olub.

Şirkət sosial şəbəkə vasitəsilə məlumat yayıb və müştərilərinə bildirib ki, daşqınlar kahı bitkilərini məhv etdikdən sonra bu qərar qəbul olunub:

"Yeni Cənubi Uels ştatında və Kvinslend əyalətində baş verən son daşqınlar səbəbindən hazırda kahı çatışmazlığı yaşayırıq. Bu səbəbdən biz kahı olan bütün məhsullarda kahı və kələm qarışığından istifadə edəcəyik. Əgər bu sizin ağız dadınıza uyğun deyilsə, sadəcə olaraq seçdiyiniz məhsulda "Fərdiləşdirin" sözünün üzərinə klikləyin və kahını reseptdən çıxarın".

Qeyd edək ki, baş verən daşqınlardan sonra bəzi meyvə və tərəvəzlərin də qiyməti bahalaşıb.

Aysel SƏFƏRZADƏ

Telegramda izləyin