Zelenskinin xanımı: "Yerindən qalxaraq iş paltarını geyinməsi 5 dəqiqə çəkir"
"Yerindən qalxıb, dişlərini fırçalaması, iş paltarını geyinməsi cəmi 5 dəqiqə çəkir".
Sonxeber.az "Report"a istinadən xəbər verir ki, bunu "The Guardian"a müsahibəsində Ukrayna Prezidenti Volodimir Zelenskinin xanımı Yelena Zelenskaya həyat yoldaşı barədə müsahibəsində deyib.
"Sağlamlığından narahatam, stresdən xəstələnə bilər"
Ukraynanın birinci xanımı vurğulayıb ki, Volodimir Zelenskinin səhhətindən narahatdır: "Həqiqətən nizam-intizam onun ikinci adıdır. Zəngli saat çalır - o, yatağından qalxır, dişlərini fırçalayır, iş paltarını geyinib gedir və bütün bunlar cəmi beş dəqiqə çəkir, mən isə yarım saat yerimdə fırlanıram.
Onun psixoloji keyfiyyətləri var: stresin öhdəsindən gəlmək və nizam-intizamı qorumaq. Mən onun psixi sağlamlığından deyil, fiziki sağlamlığından narahatam - həmişə çətin dövrlərdən sonra xəstələnir. Bununla bağlı onu izləməyə çalışıram. Amma bütün kişilər kimi o da hərarəti və ya qan təzyiqini yoxlamağı sevmir".
"Hətta hamı təslim olsa belə, o təslim olmur"
Ukrayna Prezidentinin xanımı qeyd edib ki, Volodimir Zelenski telekameralarla işləməyi bilir, amma manipulyasiya etmir və oynamır.
"Mən onu hamıdan yaxşı tanıyıram. Və o, hər kəsin nəyinsə qeyri-mümkün olduğunu dediyi situasiyalarda hər şeyi başa düşən və məqsədinə çatan insandır. Həm də başqalarını ruhlandırır. O, heç vaxt təslim olmur, hətta ətrafındakıların hamısı təslim olsa belə", - Yelena Zelenskaya deyib.
Birinci xanım həmçinin vurğulayıb ki, onun ukraynalılara etdiyi bütün müraciətlər səmimidir.
"Gördüm ki, müraciətlər üçün çox emosionaldır. Onu tanıyan bir insan kimi, fikrini insanlara çatdırmaq üçün əlindən gələn bütün emosional rıçaqlardan istifadə etdiyini düşünürəm. Amma bu, manipulyasiya deyil, səmimi idi - o, həqiqətən də həmin hissləri yaşayıb, bu, dəqiqdir", - Zelenskaya əlavə edib.
"Ukraynalıları qələbədən sonra böyük çətinliklər gözləyir"
Eyni zamanda birinci xanım bildirib ki, Ukrayna Prezidenti mətnləri çox tez əzbərləyir və telekameralar qarşısında özünü inamlı hiss edir.
"O, mətnləri çox tez xatırlayır və inamla danışa bilir. Telekameralarla necə işləməyi bilir. Amma oynamır, sadəcə bunu yaxşı etmək bacarığına malikdir. İctimai yerlərdə çıxış etmək mənim üçün inanılmaz dərəcədə çətindir, hər dəfə stres keçirirəm, amma bu onun üçün təbiidir", - Zelenskaya vurğulayıb.
Ölkənin gələcəyindən danışan Zelenskaya qeyd edib ki, ukraynalıların qələbəsindən sonra onları böyük çətinliklər gözləyir.
"Təbii ki, çoxumuz heç vaxt belə şəraitdə olmamışıq. Qarşıda bizi ciddi çətinliklər gözləyir", - Zelenskaya bildirib.


Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











"Kilolarla qızıl, çemodan-çemodan pul dövrü bitdi" - Aşirətindən toylarla bağlı yeni qərar
Bakıda yaşayan sakinləri SEVİNDİRƏCƏK XƏBƏR
Ali Məhkəmə Zaur Baxşəliyevlə bağlı QƏRAR VERDİ
Mayda hava necə keçəcək?
Şəhla müəllimə işdən çıxıb? - Vəkilindən açıqlama
14 yaşlı qızla 19 yaşlı oğlan qonaq getdikləri evdə zəhərləndi - Biri öldü - Yenilənib
Qızıl almaq istəyənlərin DİQQƏTİNƏ! - Qiymətlər ENDİ
38 yaşlı Orxanın öldüyü hadisənin - Videosu
İstilik genlərimizi dəyişir: Uşaqlarımızı nə gözləyir?
100 il yaşamaq istəyənlər üçün vacib qida açıqlandı
Ölkədən çıxışa qadağa: hüquqi əsaslar və tətbiq qaydası
Robotlar müəllimləri əvəz etsə, nəticə nə olar? - AÇIQLAMA
İldə yalnız bir dəfə çıxır, min bir dərdə şəfa olduğu deyilir - VİDEO
Dələduzluq qurbanı olan şəxs pulunu geri almaq üçün hansı addımları atmalıdır? - AÇIQLAMA