"Huggy Wuggy" oyuncaqlarının uşaq psixologiyasına təsiri-PSİXOLOQDAN AÇIQLAMA

Oyuncaq mağazalarına hər dəfə daxil olanda qəribə oyuncaqlarla qarşılaşıram. Bəzən elə oyuncaqlar görürəm ki, özüm diksinib qorxuram. Son zamanlar trenddə və uşaqların marağında olan "Huggy Wuggy" oyuncağı da bu sıradadır. Bu oyuncaq həm çox sevilir,həm də çox axtarılır. Belə qorxulu oyuncaqlar uşaqların psixologiyasına necə təsir göstərir ?

Mövzu ilə bağlı Sonxeber.az saytına psixoloq Aida Sübhan açıqlama verib.

O bildirib ki, "Huggy Wuggy" kifayət qədər aqressiv oyuncaq tiplərindəndir. Uşaqlarda gərginlik yaratmağa səbəb olur. Gündəlik uşaqların oynadığı oyuncaqlar şüuraltı olaraq onlara mənfi informasiya ötürür. Oyuncaqlarla zaman keçirən uşaqlar öz düşüncələrini, həyat tərzini, davranışlarını ona uyğun tənzimləyirlər.
Psixoloq valideynlərə də müraciət edərək bir sıra tövsiyələr verib.
"Valideynlər ilk öncə bu tip oyuncaqları almamalıdır. Cəmiyyətdə belə bir fikir var ki, uşağım kimdənsə geri qalmasın. Düşünürəm ki, bunların satışına hamımız etiraz etsək, bu kimi oyuncaqlardan xilas ola bilərik".
AYSEL QULİYEVA

Telegramda izləyin