Ermənistan və Estoniya xarici işlər nazirləri regional sabitlik və təhlükəsizlik məsələlərini müzakirə ediblər

Nyu-Yorkda Ermənistanın xarici işlər naziri Ararat Mirzoyan Estoniyanın xarici işlər naziri Marqus Tsahkna ilə görüşüb.

Sonxeber.az xəbər verir ki, bu barədə erməni mətbuatı məlumat yayıb.

Görüş BMT Baş Assambleyasının 78-ci sessiyası çərçivəsində baş tutub.

Həmsöhbətlər iki ölkə arasında diplomatik münasibətlərin qurulmasından ötən 31 illik əməkdaşlıq nəticəsində formalaşmış fəal siyasi dialoqu yüksək qiymətləndirib və ikitərəfli gündəliyi yeni istiqamətlərdə genişləndirməyə hazır olduqlarını bildiriblər.

Hər iki tərəf Ermənistan-Avropa İttifaqı tərəfdaşlığı gündəliyinin fəal şəkildə həyata keçirilməsini, Estoniyanın birbaşa iştirak etdiyi Ermənistanda Aİ mülki monitorinq missiyasının fəaliyyət göstərdiyini vurğulayıblar.

Telegramda izləyin

instagramda izləyin