"Müsavat, AXCP və Real partiyasının Ermənistanın yanında olması milli hisslərə malik olmadığını göstərir" -Deputat

"Təəssüflə qeyd etmək lazımdır ki, son prosesdə 3 partiya Müsavat, AXCP və Real partiyası dövlətin yanında yox , Ermənistanın yanında oldular. Bu, onların milli hisslərə malik olmadığını göstərir".

Bu sözləri Milli Məclisin deputatı Ceyhun Məmmədov Sonxeber.az-a deyib.

Deputat qeyd edib ki, bu, onların milli hisslərdən, dövlətçilikdən nə qədər uzaq olduğunu göstərir:

"3 il ərzində biz səbr göstərdik, çalışdıq ki, proses sülh yolu ilə həll olsun, ancaq Ermənistanın bizi davamlı təhdid etdiyinin, təxribatlar törətdiyinin şahidi olduq və belə olan halda Azərbaycanın başqa yolu yox idi. Bu partiyalar Azərbaycanın mövqeyini dəstəkləməli idilər. Bu, onların milli hisslərdən, dövlətçilikdən nə qədər uzaq olduğunu göstərir. Biz nə etməliydik? Nə qədər səbr etməli idik? Nə qədər dözüm nümayiş etdirməli idik? Əlbəttə ki, biz buna reaksiya verməli idik və haqlı olaraq da verdik. Gələcəkdə də bu reaksiyalar veriləcək. Çox təəssüf ki, belə xain mövqeyin şahidiyik. Düşmən dəyirmanına su tökən mövqeyin şahidiyik və əlbəttə ki, normal yanaşma deyil".

Telegramda izləyin