Avropada günün maraqlı futbol qarşılaşmaları - AFİŞA

Bu gün Avropanın yaşıl meydanlarında bir sıra maraqlı futbol oyunları keçiriləcək.

Sonxeber.az xəbər verir ki, İngiltərə Premyer Liqasının VI turunda London derbisi baş tutacaq. Beş matçda 13 xal toplayan komandalar - "Tottenhem" və "Arsenal" ikincilərin meydanında üz-üzə gələcəklər. Eyni zamanda bu gün "Çelsi" və "Liverpul" da meydana çıxacaqlar. Fransa Liqa 1-də turun mərkəzi oyunu PSJ və "Marsel" arasında keçiriləcək. Beş matçdan sonra Paris klubu səkkiz xalla beşinci Marsel təmsilçisi doqquz xalla dördüncüdür. Almaniya A Seriyasında mövsümə uğurlu start verən "Bayer" "Haydenhaym"ı sınağa çəkəcək. "Qarabağ"ın Avropa Liqasının qrup mərhələsindəki rəqiblərindən olan Leverkuzen təmsilçisi qələbə qazanmağı bacarsa, yenidən zirvəyə şərik olacaq.

İtaliya A Seriyasında bu gün "İnter", "Napoli" və "Roma" meydana çıxacaqlar. Hər üç komanda səfərdə oynayacaq. İspaniya La Liqasında Madrid derbisi baş tutacaq. "Real Madrid" və "Atletiko Madrid" "hindular"ın meydanında üz-üzə gələcəklər. Türkiyə Super Liqasında "Beşiktaş" ev, "Fənərbağça" səfər oyununa çıxacaqlar.

24 sentyabr

İngiltərə Premyer Liqası

17:00. "Arsenal" - "Tottenhem"

17:00. "Çelsi" - "Aston Villa"

17:00. "Liverpul" - "Vest Hem"

Fransa Liqa 1

22:45. PSJ - "Marsel"

Almaniya Bundesliqası

17:30. "Bayer" - "Haydenhaym"

İtaliya A Seriyası

14:30. "Empoli" - "İnter"

20:00. "Bolonya" - "Napoli"

22:45. "Torino" - "Roma"

İspaniya La Liqası

23:00. "Atletiko Madrid" - "Real Madrid"

Türkiyə Super Liqası

18:00. "Beşiktaş" - "Kayserispor"

21:00. "Alanyaspor" - "Fənərbağça"

Telegramda izləyin

instagramda izləyin