Konor Makqreqorun növbəti döyüşünün vaxtı bəlli oldu

İki çəki dərəcəsində Mütləq Döyüş Çempionatının (Ultimate Fighting Championship - UFC) qalibi, irlandiyalı Konor Makqreqor növbəti döyüşünü yazda keçirəcək.

Məlumata görə, o, artıq gündəlik məşqlərə başlayıb.

"Növbəti döyüşümü yazda keçirəcəm. İndi hələ aktiv hazırlıq mərhələsində deyiləm, amma doping testlərindən keçirəm, hər gün məşq edirəm. Rəqibim Maykl Çendler olacaq", - deyə idmançı bildirib.

Qeyd edək ki, Makqreqorun 35 yaşı var və o, qarışıq döyüş növləri üzrə 22 qələbə qazanıb, 6 məğlubiyyət alıb. 2021-ci ilin iyulunda amerikalı Dastin Puare ilə keçirdiyi son döyüşdə Makqreqor ayağını sındırıb.

Çandlerin isə 37 yaşı, qarışıq döyüşlərdə 23 qələbə və 8 məğlubiyyəti var./Oxu.az

Telegramda izləyin