"Əminəm ki, bundan sonra da cənab prezident İlham Əliyevlə böyük uğurlara və zəfərlərə şahidlik edəcəyik" - Emil Əkbərov

"Cənab prezident İlham Əliyevin Xankəndi stadionundakı çıxışını hər birimiz böyük qürur və fəxarət hissi ilə izlədik".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, 30 ildən sonra azad olunmuş ərazilərdə ilk dəfə futbol matçının start fiti səsləndi:

"Stadionun tribunalarından birinə isə "Qarabağ Azərbaycandır!" şüarının yazılması isə bir daha dünyaya qələbə mesajını verdi. Cənab prezident İlham Əliyevin oyunu şəhid övladları ilə birgə izləməsi hər bir azərbaycanlı kimi məni duyğulandırdı. Bu gün Xankəndinə gedənlər tək azəkeşlər deyildi, həm də qalib ölkənin vətəndaşlarıdır. 30 ildən sonra cənab prezident İlham Əliyevin dəmir iradəsi sayəsində biz öz doğma torpaqlarımıza qovuşduq. Əminəm ki, bundan sonra da cənab prezident İlham Əliyevlə böyük uğurlara və zəfərlərə şahidlik edəcəyik".

Emil Əkbərov Dövlət başçımızı ad günü münasibətilə də təbrik edib:

"Dekabrın 24-ü cənab prezident İlham Əliyevin ad günüdür. Ad günü münasibətilə cənab prezident İlham Əliyevi təbrik edir, ona möhkəm cansağlığı arzulayıram.Ərazi bütövlüyümüzü tam bərpa etməklə adını tarixə qızıl hərflərlə həkk etdirən və bizə böyük zəfərlər yaşadan Ali Baş Komandan İlham Əliyevin idarə etdiyi ölkənin vətəndaşı olduğumuz üçün də hər birimiz çox şanlıyıq. Ad gününüz mübarək Cənab Prezident!

Telegramda izləyin