Hansı hallarda uşaqlar validenlərindən alına bilər? - AÇIQLAMA

Xəbər verdiyimiz kimi, uşaq üçün birbaşa təhlükə olarsa, uşaq valideynlərdən alınacaq. bununla bağlı Milli Məclisin Ailə, qadın və uşaq məsələləri komitəsinin keçirilən iclasında müzakirə edilən "Məişət zorakılığının qarşısının alınması haqqında" Azərbaycan Respublikasının Qanununda dəyişiklik edilir.

Mövzu ilə bağlı hüquqşünas Şamil Paşayev Sonxeber.az-a açıqlama verib. Onun sözlərinə uşaqların qayğısına qalmaq, uşaqların tərbiyəsi ilə məşğul olmaq valideynin borcudur və onu yerinə yetirməlidir. Valideynlik hüquqlarını həyata keçirərkən valideynlər uşaqların mənəvi inkişafına, fiziki və psixi sağlamlığına xələl yetirməməlidirlər:

"Uşağın sağlamlığı və həyatı üçün birbaşa təhlükə olduqda icra hakimiyyətinin qəyyumluq və himayə orqanı övladı valideynlərindən almaq hüququna malikdir. Uşağın valideynindən alınması akt əsasında həyata keçirilir. Bundan sonra icra hakimiyyəti dərhal prokurorluğa məlumat verməli və uşaq sığınacağa yerləşdirilməlidir. Daha sonra valideynlik hüququnun məhdudlaşdırılması və ya bu hüquqdan məhrumetmə olacaqsa, icra hakimiyyəti məhkəməyə də müraciət etməlidir".

Hüquqşünas bildirib ki, öz valideynlik vəzifələrini yerinə yetirmədikdə aşağıdakı hallara əsasən valideynlik hüququndan məhkəmə qaydasında məhrumetmə mümkündür:

"- Alimenti qəsdən ödəmədikdə;

- Heç bir üzürlü səbəb olmadan uşağı doğum evindən və yaxud hər hansı müalicə, tərbiyə, əhalinin sosial müdafiəsi müəssisəsindən və digər analoji müəssisələrdən götürməkdən imtina etdikdə;

- Valideynlik hüquqlarından sui-istifadə etdikdə;

- Uşaqlara qarşı məişət zorakılığı ilə bağlı hərəkətlər törətdikdə;

- Xroniki alkoqol və narkomaniya xəstəsidirsə;

- Uşaqların və ya ərinin (arvadının) sağlamlığına və ya həyatına qarşı qəsdən edilmiş cinayət törətdikdə".

Sevda Səfərova

Telegramda izləyin