FIFA-dan Braziliyaya xəbərdarlıq

Braziliya FİFA-dan növbəti xəbərdarlıq alıb.

Sonxeber.az xəbər verir ki, bu barədə Associated Press məlumat yayıb.

Bildirilib ki, Beynəlxalq Futbol Federasiyası (FİFA) Braziliyanı Braziliya Futbol Konfederasiyasının (CBF) yeni prezidentinin seçkilərinə müdaxilə edəcəyi təqdirdə, milli komanda və klubları beynəlxalq turnirlərdə iştirakdan kənarlaşdırmaqla hədələyib.

Agentlik, FİFA-nın, Ednaldo Rodrigesi prezident olaraq əvəz etmək üçün təşkilatın sürətli seçkilər keçirəcəyi təqdirdə Braziliya Futbol Konfederasiyasının dayandırıla biləcəyini söylədiyi bir məktub əldə edib.

Qeyd edək ki, Rodriges dekabrın 7-də vəzifəsindən uzaqlaşdırılıb. Rio-de-Janeyro məhkəməsi bu qərarı 2022-ci il seçkiləri zamanı yol verilən qanun pozuntuları ilə bağlı verib. Ötən həftə Braziliyanın iki ali məhkəməsi qərarı qüvvədə saxlayıb.

Rio-de-Janeyro məhkəməsi həmçinin Braziliyanın ən yüksək idman məhkəməsinin rəhbəri Xose Perdizi Braziliya Futbol Konfederasiyasının prezidenti vəzifəsinə icraçı təyin edib. Perdiz 30 iş günü ərzində yeni prezident seçkiləri təşkil etməlidir.

FİFA-ya görə, bu cür müdaxilələr əsassızdır./BAKU.WS

Telegramda izləyin