TikTokda yayılan qeyri etik videolar, narkotik təbliğatı: Sosial şəbəkələrlə bağlı QANUN hazırlanır?- CAVAB

Son zamanlar Tik-Tok və digər sosial şəbəkələrda qeyri-etik videolar və narkotik vasitələrin təbliğatı ilə bağlı videolar paylaşılır. Bu hallar yeniyetmələr arasında olduqca artıb. Bu halların qarşısını almaq üçün sosial şəbəkələr bağlı qanun hazırlana bilər?

Məsələ ilə bağlı hüquqşünas Xəyal Bəşirov Sonxeber.az-a açıqlama verib.

"Azərbaycan hüquqi dövlətdir. Azərbaycanda bütün məsələlər qanunlarla tənzimlənir. Qanuna zidd əməlin hüquqi məsuliyyət yaratması hər birimizə bəllidir. Tik-tok və digər sosial şəbəkələrdə, platformalarda Azərbaycan qanunlarına zidd hər-hansısa məsələlər müzakirə edilirsə və yaxud onların təbliğatı aparılırsa, reklamlar paylaşılırsa bu hallar həmin şəxs üzərində birbaşa məzuliyyət yaradır. Bunlar inzabati və cinayət məsuliyyətləri yarada bilər. Bu həmin şəxsin təbliğatına görə deyişir. Hər bir halda narkotik vasitələrin təbliğatı və yayılması Azərbaycan qanunvericiliyində birbaşa olaraq qadağan edilir. İstehlak dəyərindən artıq narkotik vasitənin saxlanılması daxil olmaqla, onların yayılması və satılması qanunla cinayət məsuliyyəti daşıyır".

Hüquqşünas sosial şəbəkələrdən qanuna zidd niyyətlərlə istifadə edənlərin olduğunu bildirib:

"Sosial şəbəkələrdə qeyri-etik videoların artması cəmiyyətimizin, dövlətimizin maraqlarına ziddir. Bu hallar müvafiq qurumlar tərəfindən dərhal araşdırılır və tədbirlər görülür. TikTok və digər sosial şəbəkələrdən qanuna zidd niyyətlərlə istifadə edənlər də var. Sosial şəbəkələrdə daha çox informasa paylaşımları olmalıdır.
Hazırda isə çox təəssüflər olsun ki sosial şəbəkələrdən başqa niyyətlə istifadə olunduğuna şahid oluruq . TikTokvə digər sosial şəbəkələri istifadə edən şəxslər qanuna zidd olan niyyətlərini həyata keçirmək istəyirlər. Hər birimiz şahid oluruq ki, zaman-zaman müvafiq orqanlarımız tərəfindən bu şəxslər araşdırılır və müəyyən tədbirlər görülür. Təbii ki, bunun qarşısını bir dəfəlik almaq mümkün deyil.Həmin şəxslərə qarşı hüquqi tədbirlər görülməyə davam edəcək".

Gülcahan Məmmədova

Telegramda izləyin