Yeni ili qeyd etmək haramdır? - İLAHİYYATÇI AÇIQLADI

Hər il Yeni ili qeyd edib etməmək məsələsi gündəmə gəlir. Müsəlmanlar bunun xristian bayramı olduğunu, qeyd etməyin onlara oxşamaq mənasına gələcəyini, çox israf edildiyini, həmin gün haramların daha çox həyata keçirildiyini qeyd edərək Yeni il qeyd etməyin haram olduğunu iddia edirlər. Həqiqətənmi müsəlmanların yeni ili qeyd etməsi haramdır?

Mövzu ilə bağlı ilahiyyatçı Elşad Miri Sonxeber.az-a açıqlama verib. Onun sözlərinə görə, Qurani -Kərimdə Allah xüsusi olaraq heç nəyə halal yaxud haram deyə bilməyəcəmizi açıq aşkar bildirir:

Uca Allah belə buyurur ki, dilinizin uydurduğu yalana əsasən: "Bu halaldır, o haramdır!"- deməyin, çünki Allaha qarşı yalan uydurmuş olursunuz. Şübhəsiz ki, Allaha qarşı yalan danışanlar nicat tapmazlar". Bizim problemimiz "Christmas" ilə Yeni ili qarışdırmağımızdır. Çünki əslində "Christmas" İsa peyğəmbərin anadan olan bir gündür. Yeni il isə bu gün Miladi təqvimi ilə bir ilin bitməsi, yeni təqvim ilinin başlaması ilə bağlıdır. Yəni burada hər hansı bir xristian, yəhudi, çin və s. təqvimindən söhbət getmir. Sadəcə bir təqvimin bitməsi və yenisinin başlaması ilə bağlıdır.

İlahiyyatçı bildirib ki, indi burada belə bir sual yaranır. "Christmas" qeyd etmək haramdır?:

"Heç kim bu hökmü verə bilməz. Xristianlar özü bu bayramı İsa peyğəmbərin anadan olduğu gün kimi qeyd edirlər. Bu mərasim isə İsa peyğəmbərin sağlığında qeyd edilməyib. Onun ölümündən qısa bir vaxt sonra da qeyd edilməyib. Əslində bu festival İsa peyğəmbərdən əsrlərlə sonra həyata keçirilib. Buna səbəb isə Roma imperatorluğu tərəfindən qeyd edilən günəş tanrısının dekabr ayının 25-də ad gününü qeyd etməklə əlaqəlidir. Həmin festivalda Roma imperatoru Aureliyanın 274-cü ildə günəş tanrısını imperatorluğun qoruyucusu olaraq elan etməsi ilə rəsmi olaraq qeyd edilməyə başlanmışdır. Daha doğrusu rəsmiləşdirilmişdir.

Elşad Miri qeyd edib ki, bu günün qeyd edilməsinin haram olduğunu əsas gətirənlər buradakı bir neçə məsələni qeyd edirlər:

"Bunlardan biri israfın daha çox olduğu, bu günlərdə haramın daha çox işlədildiyi, bundan əlavə bunun başqa bir qövmə oxşamaq kimi bir rəvayət var. Daha sonra isə bunun müsəlmanlara aid olmadığını və müsəlmanların kültürünə uyğun olmadığını əlaqələndirərək haram olduğunu bildirirlər.Burada məsələ kiminsə yeni il şənliyi keçirməsi yaxud keçirməməsi deyil. Biz məsələn ailə olaraq belə bir şeyi qeyd etmirik. Amma qeyd edənlərə heç kim, heç bir şəkildə sən haram iş görürsən deyə bilməz. Kimin keçirib yaxud keçirməməsindən asılı olmayaraq heç kim başqa birini bu məsələdə tənqid yaxud təhqir etməyə ixtiyarı yoxdur".

Sevda Səfərova

Telegramda izləyin