Gələn il minimum aylıq əməkhaqqı ARTIRILIR? - AÇIQLAMA

Bildiyiniz kimi hazırda Azərbaycanda minimum ayılıq əməkhaqqı 345 manat təşkil edir. Bəs görəsən önümüzdəki il minimum əməkhaqqı artırıla bilər?

Məsələ ilə bağlı iqtisadi Eyyub Kərimli Sonxeber.az-a açıqlama verib.

"Növbəti ildən minimum əməkhaqqının qaldırılması aktual mövzu olmayacaq. Bildiyiniz kimi bu il minimum əməkhaqqının məbləği qaldırılmışdı. Bunun isə özünə məxsus səbəbləri vardı. İlk növbədə inflyasiya faizlərinin yüksək olduğu üçün minimum əməkhaqqının qaldırılmasını zərurət yaratdı.

Rəsmi proqnozlara əsasən gələn il inflyasiya daha aşağı olacaq. Bu göstəricilər bu ilə nisbətən 5-6 faiz civarında olacaq. Bu da öz növbəsində minimum əmək haqqının qaldırılmasında zəmin yaratmır. Digər tərəfdən minimum əməkhaqqının qaldırılması sahibkarlıq və özəl sektorun yükünü artırır. Sosial müdafiə xərclərinin artmasına səbəb olur. Hesab edirəm ki, minumum əməkhaqqının qaldırılmasına daha balanslı yanaşmağa ehtiyac var. Bu baxımdan növbəti ildə minumim əmək haqqının qaldırılması aktual olmayacaq".

Gülcahan Məmmədova

Telegramda izləyin