"Minimum aylıq əməkhaqqı qaldırıla bilər" - İQTİSADÇI

"Minimum aylıq əməkhaqqı qaldırıla bilər. Bu məbləğin qaldırılmasında əsas var. Amma qaldırılacaqmı? Bunu söyləmək bir qədər çətindir. Çünki minimum aylıq əməkhaqqının hər il qaldırılması ilə bağlı qanunvericilik yoxdur. Son 2-3 il ərzində minimum aylıq əməkhaqqının artırılmasını müşahidə etmişik. Amma gələn il üçün bununla bağlı dəqiq məlumat yoxdur.

Bu sözləri Sonxeber.az-a açıqlamasında iqtisadçı Xalid Kərimli deyib.

O bildirib ki, minimum aylıq əməkhaqqının artırılması üçün sosial zəmin var:

"Ötən il 9.4 faiz inflyasiya olub. Minimum aylıq əməkhaqqı 345 manat təşkil edir. Nəzərə alsaq ki, bu məbləğdən vergilər, kommunal xərclərdə ödənilir belə olduqda vətəndaşın əlində az məbləğdə pul qalır. Önümüzdəki il ən yaxşı halda 5.3 faiz inflyasiya gözlənilir. Minimum aylıq əməkhaqqının artırılması üçün həm sosial zəmin, həm də gözlənti var.Digər tərəfdən minimum aylıq əməkhaqqı özəl sektorda da qaldırıldığı üçün dövlətin tərəddüdünə səbəb ola bilər".

Gülcahan Məmmədova

Telegramda izləyin