Məcburi köçkünlərin boş qalan evləri nə zaman şəhid ailələrinə veriləcək?

Keçmiş məcburi köçkünlərin öz ata-baba yurdlarına qayıdışı prosesi gedir. Keçmiş məcburi köçkünlər öz doğma yurdlarına qayıtdıqdan sonra, onların boş qalan evlərinin şəhid ailələrinə gözlənilir. Bu gün hər kəsi maraqlandıran suallardan biri məcburi köçkünlərin boş qalan evlərinin nə zamandan şəhid ailələrinə veriləcəyidir.

Məsələ ilə bağlı Sonxeber.az-a danışan mənzil üzrə ekspert Elnur Fərzəliyev bildirilib ki, 2020-ci II Qarabağ müharibəsi bitdikdən sonra keçmiş məcburi köçkünlər üçün tikilmiş binalar onlara təqdim edilməyib:

"2020-ci II Qarabağ müharibəsi bitdikdən sonra keçmiş məcburi köçkünlər üçün tikilmiş binalar artıq həmin şəxslərə verilmədi. Ötən il keçmiş məcburi köçkünlər üçün nəzərdə tutulmuş 5 minə qədər mənzillərin yarısısı şəhid ailələrinə verilib.

Bu mənzillər Bakı ətrafında və Azərbaycanın digər rayonlarında idi. Dövlət tərəfindən 100 minlərlə mənzil keçmiş məcburi köçkünə verilib. Bu evlər işğaldan azad olunmuş ərazilərdə yeni evlər tikilib və bərpa olunduqdan sonra, keçmiş məcburi köçkünlərdən alınaraq şəhid və qazi ailələrinə veriləcək.

Digər bir hissəsi isə aşağı qiymətə satışa çıxarılacaq. Bunun səbəbi isə aztəminatlı ailələrin ev probleminin aradan qaldırılmasıdır. Bu proses tam olaraq başa çatmadığına görə, dəqiq məlumat vermək olmur. Bu prosesə Dövlət Sosial Müdafiə Fondu baxır. Mənzillərin satışa çıxarılması bu fondun balansındadır. Həmin mənzillərin şəhid və qazi ailələrinə verilməsi Dövlət Sosial Müdafiə Fondu tərəfindən açıqlanacaq".

Gülcahan Məmmədova

Telegramda izləyin