Sabirabaddakı nişanın detalları: 12 yaşlı qızın 32 yaşlı nişanlısı üzr istədi - YENİLƏNİB + VİDEO

Sabirabadda 12 yaşlı qızla nişanlanan 32 yaşlı kişi danışıb.

Kərim adlı şəxs Baku TV-yə açıqlamasında azyaşlı qızla nişanlandığı üçün peşman olduğunu bildirib:

"İki ildir o ailəni tanıyıram. Daha sonra anama dedim və üzük apardıq. Böyük nişan olmayıb".

Qeyd edək ki, sözügedən 12 yaşlı qız Xəzər TV-yə açıqlamsında bildirib ki, nişanlandığı şəxsi yaxşı biri kimi tanıyır və beş il sonra toyları olacaq. O, aparıcının qızcığaza ünvanladığı "beş il sonra Kərimin 37 yaşı olacaq. Bəs onda necə?" sualına "yaxşı olacaq" deyə cavab verib.

Ətraflı Baku TV-nin süjetində:

18:48

Sabirabadın Məmişli kəndində 32 yaşlı kişi ilə nişanlandırılan 12 yaşlı qızcığaz danışıb.

Bu barədə görüntülər Xəzər TV-də yayımlanan "Təsir dairəsi" verilişində yayımlanıb.

12 yaşlı qız verilişin aparıcısı Lalə Azərtaşa bildirib ki, nişanlandığı şəxsi yaxşı biri kimi tanıyır və beş il sonra toyları olacaq.

L.Azərtaşın qızcığaza ünvanladığı "beş il sonra Kərimin 37 yaşı olacaq. Bəs onda necə?" sualına o, "yaxşı olacaq" deyə cavab verib.

Qeyd edək ki, Daxili İşlər Nazirliyi (DİN) və Rayon İcra Hakimiyyəti 12 yaşda məcburi nişanlandırılan qızı nəzarətə götürüb.

Xatırladaq ki, bir neçə gün öncə 12 yaşlı qızın nişan görüntüləri yayımlanıb. Ailəsi əvvəlcə, övladının nişanı olduğunu danıb və görüntülərin qızın ad günündə lentə alındığını bildiriliblər.

Telegramda izləyin