"Azərbaycan xalqı həmrəylik nəticəsində Ali Baş Komandanımızın dəmir yumruğu ətrafında sıx birləşdi" - DEPUTAT

Hər bir dövlətin inkişaf prosesində özünəməxsus yeri və dərin tarixi keçmişi olan, həm də digər türk dövlətləri üçün daşıdığı mənaya görə böyük əhəmiyyət kəsb edən günlər var. 31 dekabr tarixi azərbaycanlıların ictimai-siyasi birliyinin bərqərar olması, və ən əsası Azərbaycan həqiqətlərinin bütün dünyaya çatdırılması baxımından böyük əhəmiyyət kəsb edir.

Milli Məclisin deputatı Sonxeber.az-a bildirib ki, Dünya Azərbaycanlıların Həmrəylik günü ulu öndərimiz tərəfindən Azərbaycanın şanlı tarixində ən möhtəşəm günlərdən biri kimi qanunvericilik bazasına salınıb:

"O zamanlar Sovetlər birliyinin laxladığı bir dönəmdə azərbaycanlılar illər uzunu həsrət qaldıqları, öz cənubdakı soydaşları ilə əlaqələr qurmağa və ilk dialoqları aparmağa şərait yaranmışdı. Ulu öndərimiz bunu qanunvericilik əsasında bizim gələcək tariximizdə möhtəşəm bir səhifə olaraq açılmasına Naxçıvanda qərar verdi. Bu günün önəmini biz illər keçdikdən sonra daha dərindən anlayırıq. Həqiqətən bugünkü qələbələrimizin kökündə bütün azərbaycanlıların həmrəyliyi durur".

Deputatın sözlərinə görə, Azərbaycan xalqı həmrəylik nəticəsində Ali Baş Komandanımızın dəmir yumruğu ətrafında sıx birləşdi və ümumilli problemimiz olan ölkə suverenliyini bütün ərazimizdə bərpasını həyata keçirdi:

"İndi biz azad Qarabağda möhtə.əm quruculuq işləri ilə məşğuluq. Azzərbaycan xalqı özünü dünyanın ən aparıcı və irəli gedən xalqlar cərgəsinə qoşdu və öz dövlətini möhkəmlədən bir xalq kimi tarixə düşdü. 44 günlük müharibədə bu fikirləri sübut etdi və məğrur, qürürlu bir xalq kimi Xankəndidə öz bayrağını dalğalandırır. Bütün ölkə artıq vahid yumruq şəklindı, öz rəhbərinin ətrafında birləşmişdir. Mən bir daha dünya azərbaycanlılarını Həmrəylik Günü və qarşıdan gələn Yeni il münasibətilə xalqımızı ürəkdən təbrik edirəm".

Telegramda izləyin