Laçında avtomobil qəzasında həlak olan hərbçimiz Gəncədə dəfn olundu - YENİLƏNİB + FOTO

Laçında avtomobil qəzasında həlak olan hərbçimiz gizir Həsən Ümid oğlu İsmayılov Gəncədə dəfn edilib.

Oxu.Az-ın məlumatına görə, qəzada həlak olan hərbi qulluqçunun nəşi əvvəlcə Gəncə şəhərində yerləşən evinə aparılıb. Onunla yaşadığı evdə vida mərasimi keçirilib.

Mərasimdən sonra gizir Həsən İsmayılov Gəncənin Şəhidlər xiyabanında dəfin edilib.

12:10
Laçında avtomobil qəzasında həlak olan hərbçimiz gizir Həsən Ümid oğlu İsmayılov ilə vida mərasimi keçirilir.

Oxu.Az-ın əldə etdiyi məlumata görə, hazırda Gəncədə yaşadığı evin qarşısında çadır qurulub. Son məlumata görə dəfn saat 13:00-da həyata keçiriləcək.

10:47

Laçında avtomobil qəzasında həlak olan hərbçilərdən biri bu gün saat 12:00-da son mənzilə yola salınacaq.
Oxu.Az-ın məlumatına görə, gizir Həsən Ümid oğlu İsmayılov bu gün saat 12:00-da Gəncə Şəhidlər xiyabanında dəfn ediləcək. 28 yaşlı Həsən İsmayılovun bir qızı və bir oğlu var.

Xatırladaq ki, yanvarın 4-ü saat 09:30 radələrində Laçın rayonun Minkənd kəndində çətin relyefli dağlıq ərazidə "Ural" markalı hərbi nəqliyyat vasitəsi qəzaya uğrayıb.

Qəza nəticəsində Azərbaycan Ordusunun hərbi qulluqçuları Həsən Ümid oğlu İsmayılov və Səxavət Fərasət oğlu Axundov həlak olublar, daha doqquz hərbçimiz isə xəsarət alıb.

Telegramda izləyin