"McDonald’s - Azərbaycan"ın burger reklamı tənqid edildi: "Ömrünüzü qısaldan "dadlı" yeməklər..."

"McDonald’s - Azərbaycan"ın yeni burger reklamına Əməkdar artist Bəhram Bağırzadə, aktyor Əlixan Rəcəbov və tanınmış blogerlərin çəkilməsi, xüsusən reklamda Azərbaycan dili ilə yanaşı rus dilində də danışılması ciddi tənqidlə qarşılanıb.

Pravda.az xəbər verir ki, "McDonald’s - Azərbaycan"ın rəsmi sosial şəbəkə hesabında paylaşılan reklam çarxına çoxsaylı etirazlar gəlib.

Yazılan şərhlərin bir qismini təqdim edirik:

"Gülməli reklam çəkirsiniz. Bloger və məhşur simaları pul qarşılığında çəkib, bəyəndiklərini söylətdirirsiniz. Bəyənmədim deyəcəkdilər ki? Burgerləriniz həqiqətən də dadlıdırsa, bunları təsadüfi dadma ilə edin. İnsanların təbii reaksiyaların çəkin, biz də inanaq", "Azərbaycan reklamında rus dilində, həm də tərcüməsiz danışıq? Nə vaxt düzələcəksiniz? Dilimizə hörmət etməyi öyrənməlisiniz. Öyrənəcəksiniz!", "Ömrünüzü qısaldan "dadlı" yeməklər", "İnsanların bir az dərin düşüncəsi olsa, bu restoranın qapısını açan olmazdı", "Dadına baxdım, "kotlet-çörəyin" yerini vermir", "Həddindən artıq baha və heç dad ala bilmədiyim menyulardır", "Yeyin kimyəvi qatqılı şeyləri, mədənizi dağıdın, milləti belə şeylərlə zəhərləyirlər", "O əti bişməmişdən öncə görən şəxs əsla yeməz", "Son vaxtlar ancaq reseptura ,həm səliqəsizlik, həm də işçilərin diqqətsizliyi var...", "Bundan sonra "səviyyəsizdonald's"", ""Maestro" - yox bir "faytonçu burger"", "Deyəsən, səhvlik olub, bu reklamı "McDonald’s - Rusiya" səhifəsində paylaşmalısınız", "Biri bunlara xatırlatsın ki, rəsmi bir dilimiz var, o da Azərbaycan dilidir!", "Hələ də halal standardlara uyğun ət məhsulların təmin etmirsiniz. Gözləyirsiniz ki, istehlakçı geniş miqyasda məsələni sosiallaşdırsın? Olmaz ki, öncədən daha məsuliyyətli idxal həyata keçirəsiniz?", "Gündən-günə qiymətlər qalxır, lakin keyfiyyət isə aşağı düşür. Pendir sousundan sirkə qoxusu, dadı gəlir..."

"McDonald’s - Azərbaycan"ın rəsmi səhifəsi tərəfindən şərhlərə verilən cavab bu olub: "Hazırda burgerlərimiz üçün ət və toyuq məhsullarının istehsalçısı və tədarükçüsü bütün dünyada təmsil olunan "OSI Food Solutions" beynəlxalq şirkətidir. Mal ətindən kotletlər həmin şirkət tərəfindən Ukrayna və Almaniyadan, toyuq məhsulları isə Almaniya və Macarıstandan idxal edilir. Qeyd etmək istərdik ki, ət kotletləri üçün yalnız yüksək keyfiyyətli 100% mal ətindən istifadə edilir".

Telegramda izləyin