"Yaşıl universitet şəhərciyinin yaradılması tələbələrin mənzil-kirayə probleminin aradan qalxmasına kömək edəcək" - EKSPERT

Bakıda yaşıl universitet şəhərciyi yaradılacaq. Bu layihə Bakı şəhərinin 2040-cı ilədək inkişafına dair Baş planında əksini tapıb. Yaşıl universitet şəhərciyinin yaradılması təhsil hansı imkanlar yaradacaq?

Bununla bağlı, təhsil məslələri üzrə ekspert Elşən Qafarov Sonxeber.az-a açıqlama verib. O bildirib ki, Bakının baş planı 2040-cı ilə qədər təsdiq olunub. Burada ilk növbədə bir neçə maraqlı məqamlı var:

"Bu məqamlardan biri də şəhərin mərkəzində olan ali təhsil müəssisələrinin şəhərdən kənara çıxarılmasıdır. Yaşıl universitet şəhərciyinin yaradılması həqiqətən maraqlı və gözlənilən bir addım idi. Layihənin 2040-cı ilə qədər reallaşması mümkün olacaq. Bakı ətrafında, xüsusilə yolların kəsişdiyi və nisbətən daha az məskunlaşan ərazidə yaşıl şəhərcik yaradıla bilər. Düşünürəm ki, daha çox Qala qəsəbəsi yaxınlığında olan ərazilərdə yaradıla bilər. Universitetlərin regionlara köçürülməsi daha effektiv olar".

Ekspertin sözlərinə görə, Bakı ətrafında, xüsusilə yolların kəsişdiyi və nisbətən daha az məskunlaşan ərazidə yaşıl şəhərcik yaradıla bilər:

"Düşünürəm ki, daha çox Qala qəsəbəsi yaxınlığında olan ərazilərdə yaradıla bilər. Universitetlərin regionlara köçürülməsi daha effektiv olar. Bakı şəhərində qalan universitetlərin isə həmin yaşıl universitet şəhərciyinə köçürülməsi ümumilikdə bizə nə verə bilər? İlk olaraq şəhərdə sıxlığın aradan qaldırılmasına yardım edəcək. Şəhərcikdə tələbə yataqxanalarının olması və tələbələrin mənzil-kirayə probleminin aradan qalxmasına kömək edəcək. Digər tərəfdən, yenidən qurulacaq elmi labaratoriyaların, kitabxanaların, mərkəzlərin, idman komplekslərinin olması da tələbələrə özlərinin asudə vaxtının səmərəli təşkilinə şərait yaradacaq".

Elşən Qafarov qeyd edib ki, bir neçə universitetin bir ərazidə yerləşməsi tələbələrin sosiallaşmasına gətirib çıxara bilər:

"Şəhərciyə dəmiryolu və digər ekoloji cəhətdən təmiz olan nəqliyyat xətlərinin çəkilməsi də həmin şəhərciyə gediş gəlişi asanlaşdırar. Ümumilikdə müsbət layihədir. Düşünürəm ki, ölkədə olan ali təhsil müəssisələrinin böyük bir hissəsi Bakı şəhərində yerləşir. Universitetlərin Gəncə, Şamaxı, Mingəçevir kimi şəhərlərinə köçürülməsi mövcud problemə kömək edə bilər. Tibb Universiteti, Bakı Dövlət Universiteti və s. kimi universitetlərin şəhərciyə köçürülməsi müsbət addımdır. Layihənin gerçəkləşməsini ölkə üçün müsbət addım hesab edirəm".

Sevda Səfərova

Telegramda izləyin