Azərbaycan Dövlət Mədəniyyət və İncəsənət Universiteti Şuşaya köçürülə bilər? - AÇIQLAMA

Universitetlərin köçürülməsi ilə bağlı məsələ illərdir müzakirə olunur. Eyni zamanda erməni işğalından azad edilmiş rayonların iqtisadi potensialı, abadlaşdırma və quruculuq işləri istiqaməti üzrə regionda yüksək ixtisaslı kadrlar hazırlayan ali təhsil müəssisələrinin təşkilinə zərurət yaradıb. Qarabağ iqtisadi rayonunda dövlət universitetinin, təhsil müəssisələrinin yaradılmasına ehtiyac var. Tez-tez təklif olunan məsələlərdən biri də Şuşada universitetin yaradılması yaxud filiallarının açılmasıdır. Bəs Azərbaycan Dövlət Mədəniyyət və İncəsənət Universiteti Şuşaya köçürülə bilər?

"İşğaldan azad olunmuş ərazilərin bərpası və təhsilin infrastrukturunun yaradılması cənab prezidentin təsdiq etdiyi böyük qayıdış proqramına uyğun olaraq həyata keçirilir. Eyni zamanda işğaldan azad olunmuş ərazilərdə bir neçə universitetlərin yaradılması və filiallarının qurulması nəzərdə tutulur. Mədəniyyət və İncəsənət Universitetinin Şuşa şəhərinə köçürülməsi əlbəttə ki, mövzu ola bilər. Təbii ki, bizim buna münasibətimiz həm də arzu olaraq ifadə oluna bilər. Bu məsələ ilə bağlı qərar verən ölkənin rəhbəridir. Cənab prezidentin və xanımının Şuşaya, digər işğaldan azad olunmuş ərazilərə diqqət və qayğısı var. Şuşa şəhəri Azərbaycan müsiqisinin və mədəniyyətinin beşiyi olub. Bu baxımdan tək Mədəniyyət və İncəsənət Universiteti deyil, orada filialı da açıla bilər. Əgər ölkə rəhbərliyi tərəfindən belə bir qərar olacaqsa, hesab edirəm ki, bütövlükdə Şuşa şəhərinin ümümi, intellektual və mədəni baxımdan inkişafına əlavə bir töhfə ola bilər".

Sevda Səfərova

Telegramda izləyin